कनु जमानु ऐगे कतगा बदलेगी आज

कनु जमानु ऐगे कतगा बदलेगी आज
भूली गेनी लोग अपरी रीति रिवाज..

ढोल दमोऊ झणी कख हर्ची गायी
मसुबाज रणसिंघा झणी कख गायी
नया जमानु कु ऐगे डी. जे. आज..
कनु जमानु ऐगे कतगा बदलेगी आज
भूली गेनी लोग अपरी रीति रिवाज..

छंच्या बाड़ी झोली झणी कख गायी
चौमीन पिज्जा बर्गर झणी क्या आयी
खाणु पीणु सब कुछ बदिलेगे आज..
कनु जमानु ऐगे कतगा बदलेगी आज
भूली गेनी लोग अपरी रीति रिवाज..

घास घसेनी गोरु का ग्वेरेल ख्वेगे
चिठ्ठी पत्री रंत रैबार कख ख्वेगे
नै जमानु कु मोबाइल ह्वेगे आज..
कनु जमानु ऐगे कतगा बदलेगी आज
भूली गेनी लोग अपरी रीति रिवाज..

अंग अंगडी फुर्क्याली घाघरी ह्वेगे गोल
कुर्ता फते मुंड मा कु टोपला ह्वेगे गोल
जींस टॉप झणी क्या-२ ऐगे आज..
कनु जमानु ऐगे कतगा बदलेगी आज
भूली गेनी लोग अपरी रीति रिवाज..

सर्वाधिकार सुरक्षित © अनूप सिंह रावत
" गढ़वाली इंडियन "
इंदिरापुरम, गाजियाबाद