ढ़ोल बजे घमाघम
दमौ बजे टमाटम
गीतेर तू गीत लगा
स्टेज मा झमाझम
टिकट लीगे हौरि क्वी
तुम नाचा छमाछम
तू कौथिग उर्याणु रै
नेतों थैं बुलाणु रै
एक दिन कु त्यौहार
हफ्ता भर मनाणु रै
अतिथि सत्कार कनु रै
फूलमाला पैनाणु रै
नेतों को क्या चा
वु आणा ही राला
बुसिला भाषण देकि
अफ जनै कैरि जाला
तुम बगैर नि जितणु
शब्दबाण घुचे जाला
तू झण्डा उठाणी रै
पोस्टर चिपकाणी रै
तू कुर्सी लगाणी रै
तू दर्री ही बिछाणी रै
सिर्फ कार्यकर्ता बणी
वोटर लिस्ट बणाणी रै
कब तक ठगेणु रैली
मंडाण मा नचणु रैली
पर्वतीय प्रकोष्ठ पर तू
कब तक इतराणु रैली
पार्ट्यों पिछिन्या दौड़ी
झणि कब टिकट पैली
© 16-01-2020 अनूप सिंह रावत
